Dag 20. 7.juli 2010

Knottane gjorde at Lise var tidleg våken atter ein gang. Er det ikkje Hege som makkar, så er det knotten som plagar......

Det var bare å pakke i hop det vi kunne, og suse ned mot Sjøholt. Ei mil i unnabakke gjorde at vi fekk kvitta oss med eventuelle knottevennar som hadde sugd seg fast i oss.

Vegen vidare baud på mykje, og ekstremt slitsom trafikk. Trafikken var ei sann plage langt forbi Ulsteinvik. Skulle tru vi sykla gjennom ein storby i Europa.... Lite hensyn tar dei til oss mjuke trafikkantane.
Siste fergeturen gjekk frå Årvik til Koparneset. Litt vemodig å ikkje få ete svele og drikke kaffi i særdeles svette sykkelklede på ei stund.
Mot Fiskå var det ei lettsykla mil. Her hadde vi ein stopp for å prøve å finne ein overnattingsstad. Det var ikkje flust av dei i området, så vi valgte å ta ferda vidare mot Åheim. Der avslutta vi dagens etappe med ca. 300 meter stigning opp til Kvilehytta. Har fått oss ei kjekke hytte med flott utsikt mot havet i vest. Her skal vi kvile oss i form til morgondagens sjarmøretappe til Vestkapp.

Det er forøvrig meldt liten kuling på Vestkapp i morgon, så vi får nok litt ekstra å stri med. Forhåpentlegvis ventar det oss champagne på toppen.

Dagens etappe var på 13 mil.